فیرگه ی زمانی کوردی سوما

soma-seqiz — Thu, 24 Dec 2009 19:03:29 GMT

(نالی)ش مه دره سه ی لا مه حبه سه یه

ئیبراهیم ئیسماعیل پوور

خانه قا و دیوه خانی ئاغا و حوجره ی فه قێیان و له م دواییانه شدا قوتابخانه كان له كوردستاندا شوێنی په روه رده و فێربوونی زانست و پێگه یاندنی مرۆڤی كورد بوون .له و سه رده مانه یدا كه قاوه خانه كانی ئورووپا شوێنی كۆبوونه وه و دانیشتنی فیلسووفه كان وجێگه ی پلان داڕشتنی رۆشنگه رانی وه كوو هیوم و ئیسمیت و جان لاك و ده یان كه سی تر بوون ، خانه قا و دیوه خان و حوجره كانی كوردستانیش له پیاوانی كورد جمه ی ده هات.به و جیاوازییه وه كه ئه وان وڵاتی خۆیان و ده ورووبه رو هه موو ئورووپایان هه ژاند وئیمه له جه غزێكی به تاڵدا خولاینه وه و رۆح و ئاوه ز و دڵی خۆشمانمان بۆ رانه چڵه كا !! سه ربزێوانی كورد له فریودان و خۆ به زلزانی و گێژ كردنی جه ماوه ر دا به هۆشیاری گه یشتن .

نازانم ره وتی نوێگه ری ئورووپا و گه شه ی فه لسه فه ی نوێی فیلسووفه مه زنه كانی ئه و هه رێمه و شۆڕشی په روه رده ی رۆسۆ تاچه نده به گوێی نالی گه یشتووه وبیر و هۆشی ئه و بیرمه نده ی كوردی خستۆته ژێر كاریگه ری خۆیه وه ، به ڵام ئه وه ده یبینین كه نالی زۆر شاره زایانه هه ست به خولانه وه له و جه غزه به تاڵه دا ده كا و وه كوو پیره چرا به ده سته كه ی مێژوو له سروشتدا به دوای مرۆڤدا ده گه ڕێ.

ئه هلی دنیا یی له به ر حیرس و ته مه ع هوشیارن

به خسووسی بگه ڕێی مه ست و خیره دمه ندی نییه

نالی له جیهانی مه ستی ئه دوێ و ئه م جیهانه ش له ئاسه واری زۆربه ی زاناكاندا لێدوانه له جیهانی ڕاستی و ئاگایی و زانایی و هه روه ها به ئاستی ئاوه ز و مرۆڤ بوون گه یشتن . هه ر بۆیه به ده گمه نیش یه كێكی زیره ك و وریا له جیهانی ده وروو به ردا نابینێته وه . وه كوو بیرمه ندێك له كۆبوونه وه كاندا ئاماده ده بێت و هیچ ئاسه وارێك له جوانی و مه زنی و حاكم بوونی ئاوه ز نابینێت . سه ر به مه یخانه و خانه قا و مه دره سه دا ده كات و خۆی له كۆڕ وكۆبوونه وه كان هه ڵده قورتێنێ و به نائومێدی لێیان ئه دوێ :

خانه قاش هه ر وه كوو مه یخانه یه ، كه هه ر ئاوابێ

مه جلیسێكی هه یه ، ئه مما گه پ و گۆبه ندی نییه

خانه قا مێژوویه كی دوور و درێژی له كۆمه ڵگای كورده واریدا هه یه . له هه ر مه ڵبه ندێكدا كاریگه ری شێخ و خانه قا یه ك به سه ر خه ڵكه وه دیار بووه . خه ڵكانێكی زۆر مه ودایه كی دوور ودرێژیان بڕیوه و له خانه قایه كدا كۆبوونه ته وه و بیرو رایان گۆڕیوه ته وه . ئه وه ی كه بڵێین هه موو خانه قاكانی كوردستان له سه ر پێگه یاندنی مرۆڤی بیرمه ند كول و كار له ده ست ناهاتوو بوون ، قسه یه كی راستمان نه كردووه .

هه ژار و هێمن و زه بیحی و چه ندین كه سی دڵسۆز و زانای تری كورد له خانه قای بورهانه وه سه ریان هه ڵداوه و چه ند خانه قای تری كوردستانیش ئه م رۆڵه یان دیتووه . به ڵام به سه رنجدان به وه ی كه خه ڵكێكی زۆر له خانه قاكاندا بوون و هاتووچۆی ئه م شوێنه یان كردووه ، ده بینین كه كاریگه رییه كی ئه و تۆیان له سه ر ئاستی زانیاری و پێگه یشتوویی خه ڵك نه بووه . به پێچه وانه وه بڕێك له خانه قاكانی كوردستان رۆڵی كلیسای سه رده می سه ده تاریكه كانی ئورووپایان بینیوه .كه س نه یوێراوه له حاستیان ببزوێ و باسی زانستی بێنێته ئاراوه .ده سبه جێ له لایه ن سۆفی و ده روێش و شێخی نه زانه وه به كافر له قه ڵه م دراون .

هه ربۆیه نالی خه لكانی دانیشتووی خانه قا به بێتام و خوێ ده زانێ و لای وایه كه ئه وان نوكته و گاڵته و گه پ (له راستیدا ژیانی ئاسایی ) نازانن و بۆ ئه وه ناشێن كه مرۆڤ ببێ به هاوڕێیان .

خانه قا دایمه پڕ بووه له كۆڕی زیكر و هه را و زه نا وبه زم و ره زم . به ڵام نالی له و ناوه دا هیچ هه را و به زم و زه نایه كی زیره كانه و سه ربه ستانه ی نه دیوه . له به رانبه ردا مرۆی بێ كه ڵك و گه ند و نه زانی چاو پێ كه وتووه و كه سایه تی زیره ك و سه ربه ستی تێدا به دی نه كردووه .

واقیعه ن خانه قا خۆش زه مزه مه ێیكی تێدا

یه، به ڵا قه ندی هه یه ، گه ندی هه یه ، ره ندی نییه

رۆسۆ بیرمه ندی سه ده ی هه ژده هه می ئورووپا ، پێی وایه كه په روه رده ئه شێ خوودی ژیان بێت، یاخۆ لانی كه م قوتابی بۆ ژیان ئاماده بكات . به ڵام ئه و ته نیا سروشت به باشترین مامۆستا ده زانێ و بڕوای به په روه رده ی نه رێنی هه یه . واته به ڕای ئه و ئه شێ مرۆڤ له و فێربوونه دوور بخرێته وه كه له رێگه ی قوتابخانه و كتێبه ده رسییه كانه وه پێی ده گات. ره نگه نالی بیری له شێوه ی دروستی په روه رده ی قوتابی نه كردبێته وه ، به ڵام وه كوو شاعیرێكی به هه ڵوێست شێوه ی سه رده می خۆی به باش نه زانیوه . خۆ له كه سیش شاراوه نیه كه تا ئێستاشی له گه ڵدابێت ، مناڵانی كورد له قوتابخانه كاندا زه ین كوێر ده كرێن و وه كوو مرۆڤێكی سه ربه ست چاویان لێ ناكرێ و به گشتی كورد نه یتوانیوه شارۆمه ند په روه رده بكات . ئیستاش په روه رده ی ئیمه خه ریكه له جێگه ی مرۆڤی شارۆمه ند و سه ربه ست ، مرۆڤه كان ره عییه ت باردێنێ.

به ڕای نالی مه دره سه به ندیخانه ی هۆش و بیر وئاوه زی قوتابی كورده .ئه و ده ڵێ قوتابیه كان گیان و بیریان له به ندیخانه ی حوجره كاندا دیله و له باتی زانست باسی وه سوه سه وخه یاڵی بێ مانا ده كه ن .له باره ی ده روونیشه وه ئاماژه به ده ماغ و زه وقی قوتابییه كان ده كات و ده ڵێ شادمانی به ده م و چاویانه وه به دی ناكرێ. كه له راستیدا قوتابخانه ئه شێ بۆ قوتابی خۆشترین جێگا بێت و هه موو شادمانی و خۆشییه كان به قوتابی ببه خشێ .

مه دره سه مه حبه سه یه ، مه بحه سه یی وه سوه سه یه

كه سی تێدا هه یه ئه مما خۆش و خورسه ندی نییه

به درێژایی مێژووی ناوچه كه قوتابی بێ پسانه وه باسی سه فسه ته یان بۆ كراوه و دایمه خراونه ته گێژاوی وه سوه سه وه . په روه رده به پێی سوننه تی ناوچه كه هه میشه له خزمه تی ده سه ڵاتدا بووه و ده سه ڵاتیش به هۆی داخراوی و دیكتاتۆڕی وتووتالیتێڕ بوونه وه ، بۆ په روه رده ی مرۆڤی گوێڕایه ڵ و نه فس نزم و خۆ به كه مزان و نه زان پلانیان داڕشتووه و له گه ڵ سازكردنی به ندیخانه بۆ بیر وهۆش ورۆحی قوتابیان ، مامۆستا سه ربزێوو نه ترس و زاناكانیان به دیل گرتووه .هه رگیز گوێیان له م وته یه نه گرتووه كه رۆسۆ ئه ڵێ : ئه شێ مرۆڤ بۆ مرۆڤ بوون په روه رده بكرێت ... ئه وه ی كه ئه شێ به مناڵان فێربكرێت له زانستێك به ده رنییه و ئه ویس زانستی ئه ركه كانی مرۆڤه.

شێعر

soma-seqiz — Sat, 11 Jul 2009 21:35:18 GMT

«سه فه ر»

ئیبراهیم ئیسماعیل پوور

وردیله كانم

له كۆڵانی هه ورێكی

كفن سووری ئێوارێوه

به ناخی مناڵیتانا

لۆژه لۆژ شۆڕده بمه وه و

له مێحرابی خه ونێكی ئه رغه وانیدا

سوجده ده به م بۆ چاوی پڕ له هه تاوتان

كه پێڵووتان

به ده م شنه ی شه وبای شینه وه نا سه ر یه ك

بۆ یه خه ی پڕ له گوڵزاری ئه وینتان

ده بمه شه وڕن

كۆشێ ئه ستێره ی زه رد و سووری ماچ

متفه رك به په نجه ی خوای مناڵیتان

ده كه مه ده سته ملانی

خه وی سووك و

بزه ی خه ونی كاڵی بێ گزه تان

ئای چ شیرینه

كاتێ به ده م هه ناسه ی

پڕ له خودای عه شقتانه وه

له داوێنی عه ده مێكی

هه ڵواسراو به هه ناسه ی نیشتمانه وه

ده نووم

www.hewar.blogfa.com

شێعر

soma-seqiz — Thu, 04 Dec 2008 18:50:18 GMT

مناڵی كوردم

من رۆڵه ی كوردستانم هاوڕێی شاخ و ته لانم

خه ڵك وخاكم خۆشده وێ دڵ بێ ئه وان ناسره وێ

خوشكم ئازاو چالاكه دڵی بێ گه رد و پاكه

كاكم زۆر گورج و گۆڵه وریا و بێ فڕ و فێڵه

دایك و باوكم رووخۆشن بێ من ئاویش نانۆشن

من په روه رده ی كوێستانم گه وره بووی كوردستانم

هیوامه ریه می(قه ندیل)

هۆنراوه

soma-seqiz — Sat, 18 Oct 2008 20:50:39 GMT

دڵم قورسه

" هه ژاره"

دڵم قورسه

نیگام بزرکاوه

ده‌ستم زه‌وییه‌کی قه‌ڵه‌شاوه.....

قژم با بردووی خه‌زان و

به‌فر لێ نیشتو‌یی زستان و

سه‌هؤڵ باران

قاچم ماندووی خه‌ونی جاده‌یه‌کی سه‌وزه

پێڵاوه‌که‌م چاوه‌ رێگه‌ی حه‌سانه‌وه

سێوی کؤڵم کرم ده‌ی خوات

خه‌یاڵی کاڵی سێوی تؤ

وه‌همی مه‌حاڵه

په خشان

soma-seqiz — Sat, 18 Oct 2008 20:43:18 GMT

تؤزی ژیان

" قه ندیل"

ساتێ چاوم له چاوه‌کانی تؤی ده‌روانی ، وام ئه‌زانی به‌ری به‌یانه و تازه شه‌ونم ئه ڕژێ به سه‌ر گوڵدا......

ئه‌و کاتانه‌ش له‌بیر ناچێت که هه‌رده‌م به‌ بزه‌ی لێوت شاد ئه‌بووم و ته‌نانه‌ت حه‌زم به ساتێ۴ دووری له پڕشنگی،

پڕشنگ داری تؤ نا ده‌کرد.......

دایمه ئاره‌زووی بینینی خؤری نیو‌ه نگای ، سێحر اوی و‌ێنه‌ی ئاوێنه‌ی تؤ بووم.....

په‌پووله‌ی رۆحی حه‌ز و تاسه ، که‌ رؤیشتی مه‌رگی دێ و زیز بوونی گوڵی دێی له‌دوا بوو.....

که‌ رؤیشتی خؤشی و ئاواتی دێ ، جێگه‌ی خؤی به خه‌م و حه‌زیندا و شکاندنی روحی له‌گه‌ڵدا بوو.......

تؤ نازانی تا دوارؤژی ژیان ، ژیله‌مۆی دڵه پڕ ئه‌سرینه‌ِکه‌م به تؤوه شاده......

ئه‌ی ئه‌و که‌سه‌ی دونیام به تؤوه وێنه‌ی به‌هه شتی چیا‌کانی کوردستانی لصێ هاتبوو.......

چ بنووسم ، باسی چیت بوو بکه‌م ، که هه‌موو ده‌فته‌ره‌کانی ژیانم ، هه‌موو قه‌ڵه‌مه‌کانی خه‌مم لێ براون......

ئه‌ی خؤشه‌ویست......

حه‌زه‌که‌م به‌ر له‌وه‌ی بمرم‌ ، دیاریه کی هه‌ر چه‌ند که‌م له‌ لایه‌ن تؤوه هاتبایه ، تاکوو له‌داخی ئه‌و تاسه‌وه

نه‌مردمایه.......

خؤزگه بؤ چه‌ند چرکه ساتێک نیوه نگای تؤ‌‌‌م پڕ به کؤشی ئاسمانی پڕ ئه‌ستێره بدیبایه......

تؤ خؤت نه‌ت ئه‌زانی هه‌موو وێنه‌کانی تؤ‌م له ناو ئالبوومی ژیانمدا هه‌ڵگرتبوو.......

تؤ نازانی چه‌نها شه‌و و رؤژ به‌خه‌می دووری تؤوه به سه‌ر چووه و هه‌موو ته‌نها دڵم کۆراوه‌ته‌وه....

به ڵا‌م ئه‌زانی باش ئه‌زانی که‌ چه‌نده‌م خؤش ئه‌ویستی ، به‌قه‌د هه‌موو خؤشه‌ویستی دونیا ، به‌قه‌د هه‌موو

روبار و شاخ و کێو و دار و به‌ردی کوردستانی ئازیز‌ و خؤشه‌ویست....

چیرۆك

soma-seqiz — Sat, 18 Oct 2008 20:34:18 GMT

(( به رد وخه یاڵ))

" وریا"

ده س له ئه ژنؤ دانیشتبوو، له قووڵایی بیره وه چاوی بڕی بووه سووچێ که وه

ده سی کرد به گیرفانیا ،گیرفانی کوون بوو، هه ستا رؤیشت به ردێکی هه
ڵگرت،

ته قه ی درگا هات ، ئؤخه یش ئه و نه بوو، ها ته وه نێو ماڵ ،به رد وتاق وده غیله،

چوو بؤ دووکان،گه راوه بؤماڵه وه ؛ شێوی درووست کرد، ئه م جار به زه وقه وه چاوله رێی هاتنی بوو !

چیرۆك

soma-seqiz — Sat, 18 Oct 2008 20:27:18 GMT

((چاوه روان))

" وریا"

به یانی زوو له خه و هه ستا ، جل و به رگه ده ق کراوه کانی له به ر کردو

عه ترێکی نه رمی له خؤی دا ، له سه ر کانی و ئه ستێره که ی پشت دێ وه ک

جاران را وێستا ، ئه ویش ده هات ، له نێو ده ستی ده یگرت ، ماچی ده کردو هه تاکوو سووک بوون قسه ی بؤ ئه کرد ، پاشان ده ینا به سنگیه وه ، عه تری لێ ئه دا، هه واڵی پێ ئه سپارد ، پاشان ئه یدا به ده م با وه.

چیرۆكێكی راست(ئیبراهیم ئیسما‌عیل پوور)

soma-seqiz — Mon, 21 Jul 2008 09:25:18 GMT

ئه گه ر موعتادی لێگه ڕێ

گه رمای نیوه ڕۆیه. بۆ خوارد نی فراوێن و حه سانه وه یه كی سێ سه عاته هاتۆته وه بۆ ماڵ. كات ژومێر 4 ونیو له پۆلی رێنووسی كوردی ئاماده ده بێت. چاوه كانی غه مێكی قووڵی تێدا به دی ده كرێ. بێ تاقه ت و شڵه ژاو دیاره. وه كوو رۆژانی تر له باسه كاندا به شدار نابێت. هه موو قسه خۆشه كانی له بیر چوونه ته وه. له سه ره تادا به م حاڵه ته م جێهێشت و به هیوابووم هێندێك هێور ببێته وه. به ڵام بێ ئارامی ئه وكی به رنا دا. بۆ ئه وه ی له و حاڵه ته ی ده ربێنم، داوام لێكرد شێعرێك بخوێنێته وه. زۆر به بێ وازی گووتی: مامۆستا داوای لێبووردن ده كه م، هیچم ئاماده نه كردووه. ئه مجار زانیم كه بێ ئارامیه كه ی هۆیه كی به هێزی له پشته. گوتم: چیه بێ ئارام دیاری؟ به چاوه پڕ له خه مه كانیه وه لێی ڕوانیم و به ئه وكی پڕله گریانه وه گوتی: بۆ مامۆستا ئارامی ماوه؟

گوتم : نا به داخه وه سه رده می ئارامیه كان به سه ر چووه. ئێستا تۆ بڵێ چی رووی داوه؟

دیسان پێشی به گریانه كه ی گرت و زۆر به دڵپڕیه وه ئاوا وڵامی دامه وه: مامۆستا گیان ئه مڕۆ كه بۆ نه هار چوومه وه وه ك هه موو رۆژانی تر به كه یف خۆشیه وه خۆم به ماڵدا كرد . شاد و پڕ وزه له سه ر سفره دانیشتم. پاش هه ندێك خۆ به خواردنه وه خه ریك كردن، د یتم زاق و زریقی پێرێژن وتاقه منداڵی ماڵه هاوسێمان هه ستا. سه ره تا پێم وابووكه ده مه قاڵه یه كی ئاسایی یه وبه س. به ڵام كه شته كه درێژه ی كێشا، منیش دڕد ۆنگ بووم و خۆم پێ نه گیراو به په له هاتمه ده رێ. دیتم باوكی منداڵه كه ده ستی كوڕه چوارساڵه كه ی گرتووه و زۆر به توندی له گه ڵ دایكی خۆی كه دایه گه وره ی منداڵه كه یه ئه دوێ و داوای سجیلی كوڕه كه ی ده كات. گوتم دایه خانم به ڵا دوور بێت ئه وه چ باسه؟ به گریانه وه گوتی: رۆڵه گیان خۆ گوێت لێیه كه ئه م هه تیوه پیس و موعتاده م داوای سجیلی كوڕه كه ی ده كات و ده یه وێ بیفرۆشێ. ئێمه هه موو خه ڵكی گه ڕه ك ده مانزانی كه ئه م منداله چاره ره شه ، دایك وباوكی سه ره ڕای موعتادی ئایدزیشیان هه یه و تا ملان له نه دامه تیه كاندا نوقم بوون . ئێسته داخی سه رباری داخان ئه وه یه كه : ئاخۆ ئه م منداڵه هه ژاره ش ئایدزی هه یه ؟!! ئاخۆ ئه م پیاوه سه رلێشێواوه ئه م منداڵه بێ گوناحه به كێ ده فرۆشێ؟!! چ داهاتوویه ك له پێش نه وه یه كی تری سه رلێشێواوی ئه م گه له هه ژاره دایه ؟!!ئاخۆ .............

كاوەی ئاسنگەر و گوڵەگەنمەكانی سەرشانی

soma-seqiz — Mon, 17 Mar 2008 13:40:34 GMT

كاوەی ئاسنگەر و گوڵەگەنمەكانی سەرشانی

ئیبراهیم ئیسماعیل‌پوور

لە ئەفسانەی نەورۆزی كورددا زوحاك پاشایەكی زاێم و مپشك‌خۆرە و بە نیشانەی مرۆخۆری و

درندەیی دوو ماری لە سەرشانە و كاوەش مرۆڤپكی رزگاریدەرە كە لە سەرشانی دوو گوڵەگەنم

بە نیشانەی خۆشەویستی ژیان و عەشق بۆ ئازادی رواوە.

تکایه بو خویندنه وه ی ئه م بابه ته له سه ر دریٌژه ی بابه ت دا کلیک که

قه ندیل كوێ یه ؟(ئیبراهیم ئیسما‌عیل پوور)

soma-seqiz — Tue, 19 Feb 2008 12:56:18 GMT

قه ندیل كوێ یه ؟

قه ندیل زه نجیره كێوێكی پڕ له شیو و دۆڵ و لووتكه و ئه شكه وت و ره وه زی سه خت و لێڕه وار و داوێنی كاكی به كاكی وزۆر شتی سه یر و سه مه ره ی تره . به پێی هێندێ له به ڵگه نهێنیه كانی باوه ڕپێكراو قووڵایی دڵی قه ندیل یه كێ له كانزا گه وره كانی ناوچه ی رۆژهه ڵاته .
ئه م ناوچه یه شوێنی ده سه ڵاتی نه ته وه یاساغه كانه . قه ندیل دایمه جێگای هه وارچی و كه ژه وان و ته ره گه ی ژنان و پیاوانی ته ره ی پارچه جیاجیاكان و جێی حه سانه وه و حه شارگه ی گرووپه دژبه ره كانی ده وڵه تانی ناوچه بووه .
به ڵام ئه وه ی كه جێی باس و سه رنجه ، ئه وه یه كه تا ئێستاشی له گه ڵدابێت ، هیچ كام له ده وڵه تانی ناوچه خۆیان به خاوه نی ئه م زه نجیره كێوه نازانن . كاتێ كه له رۆژ هه ڵاته وه ده درێته به ر شاڵاوو به خه ستی تۆپ باران ده كرێ و زه ره ر و زیان به دانیشتوانی ناوچه كه ده گات ، هیچ لایه نێك ( ده وڵه تێك ) نیه كه بڵێ هێرش كراوه ته سه ر خاكی و وڵاته كه ی كه وتۆ ته به ر په لاماری نیزامی.له هه مان كاتدا كه سه ربازانی تورك سنوور ده به زێنن و به چه كی سووك و قورس و هه روه ها به بۆردمانی فڕۆكه ش شاڵاوی بۆ دێنن و له كه ناڵه خه به ریه كانیانه وه راده گه یه نن كه سنووریان به زاندووه و له ده ره وه ی سنوور به دژی په كه كه خه ریكی ئۆپه راسیۆنن ، هیچ كام له ده وڵه تانی تر خۆیان به لایه نی هێرش بۆ كراو نازانن . وه كوو نه بایان دیبێت و نه بۆران و هیچ شتێك رووی نه دابێت ، ته نانه ت وه كوو هه واڵێكیش رای ناگه یه نن.
كاتێ ده وڵه تی توركیا حكوومه تی هه رێم ده خاته ژێر زه خته وه و داوای ده ر كردنی پارتی كرێكارانی كوردستان له خاكی هه رێم دا ده كات ، ئه وان ده ڵێن كه په كه كه له قه ندیله و له خاكی كوردستاندانیه .

سه یرتر له مانه ئه وه یه كه ئه م شوێنه به پێی سووننه تی ناوچه كه و هه روه ها به پێی را و بۆچوونی حاكمان و ده مڕاستانی ئه مریكا ، نه كه وتۆته نێو جه غزی هێڵی دژه فڕینه وه و ئه مریكا وه كوو تاكه ده سه ڵاتداری وڵاتی عێراق خۆی به خاوه نی قه ندیل نازانێت . هه ر بۆیه ده بینین فڕۆكه كانی توركیا زۆر به ئازادی به سه ر ئاسمانیدا ده فڕن و ته نانه ت له لایه ن ناوه ند ه ئیتلاعاتیه كان و فڕۆكه گه ڕۆكه كانی ئه مریكاوه زانیاری تێر و ته سه لیان ده درێتێ و شوێنی خۆ حه شاردانی گریلاكانی په كه كه به ئه رته شی توركیا ده درێت .دوای بۆردومانی قه ندیل له لایه ن فڕۆكه كانی توركیاوه و گه یشتنی ئه و هه موو زه ر ه ر و زیا نی گیانی و ماڵیه به خه ڵكی زه حمه تكێشی ناوچه كه ، هیچ وڵاتێك خۆی نه كرده خاوه نی و وه كوو به فره كه ی پار رۆیشت .
ئاخۆ قه ندیل كوێ یه ؟ !! قه ندیل ناوچه یه كی یاغی و كۆنترۆڵ نه كراوی رۆژهه ڵاتی ناوینه . بێ گومان هه موو ئارامی و ئاسایشی ناوچه كه به وێوه به ستراوه ته وه . تا ئه و كاته ی ئه شكه وت نشینانی ئه م شاخه سێحراویانه به هه ند وه رنه گیرێن و له ده سه ڵاتی ناوچه كه به شدار نه كرێن و وه كوو شارۆمه ندی خاوه ن كه رامه ت سه یر نه كرێن ، نائارامی و ئاڵۆزی هه روا باڵ به سه ر ئه م به شه ی گۆی زه وی دا ده كێشێ .